كريم راضى العماري

(1) بعدني اتذكرك

بعدنى اتذكرك رغم الجرى اوصار
او بعدنى ارفض اجروحي
اتطيب وارتاح
اخاف انساك
اخلى اجروحى تذكار
يا اغرب روايه
واحلى ديوان
كتبته انا الك
من احلى الاشعار
يا لوحه القدر راسمها بدموع
موتنى البرد وشفافك النار
العتب ويا العزيز اشوده وشجاب
او ما بين الحبايب ماكو اعذار
مو انا العليك الصرت مجنون
عليك امسودنه او تسالني الدار
اوبعدنى اتذكرك رغم الجرى اوصار

(2) ملامح

بقت منك ملامح
لو خرب لونك
او بعدك كارثة
من تفتح اعيونك
او بعدك من تنام
الكمر يغفى اوياك
او من تسبح الماى
ايكلك اشلونك
بعدك تستحى امن امراية الكنتور
او من تنزع اهدومك تغمض اعيونك
يا اترف امن البربين
يا كطرة ندى وياك عشت اسنين
انا خايف امن العذال
عا الحاضر يشربونك
هلي ظلمونى او ظلموك
وين انته
انا اعيونى تدور اعليك
هم انته علي
ادور اعيونك