حسين القاصد
الخشلوگ .. مامضكورة ابد بالكتب ولا تنضكر ولاتصيرلها چارة .. لأن فتشت بالكتب ولگيت كلمة (شگبان ) وهي ماتشگبن من الشيء وصار شگباناً ويجمع على شگابين والله اعلم ، واذا عملنا بالقياس فهي : ماتخشلگـ من الشيء وصار خشلاگَاً ويجمع على خشاليگ !! وينادى (خشلوگ ) للدلع لا أكثر ، والاسم ليس بغداديا مع انه يحاول اضفاء صفة البغدادية عليه ( عود شنهي اضفاء ؟؟ ) ماعلينا بالوادم .. يگَولون بالمعجم الجنوبي كلشي اكو ؟؟ والخشلوگ جنوبي لذلك اغلب الجنوبيين اصيبوا بالحمى !! على طريقة الحمى منين تجي !! وبالجنوب هواي كلمات ومعانيهه غامضة يعني بيها شوية غموضة !! بس ماتسوي جالي !! ماعلينا بالوادم .. يگولون من الكلمات المترجمة للعربية الفصحى هي الفعل ( موصه ) بمعنى اغسل الشيء ، وكذلك الفعل (مرگ ) بمعنى مرّ من هنا !! يعني يرجع للمارقين وهي الحاضنة الرئسية مال الخشاليگ !! شگد يحبون الحواضن … لاتفتهموني صح عفيه .. ويگولون بالمعجم الخشلوگي توجد كلمة عامية وهي ( زعم ) وكاتبين گدامها ليس لها معنى !! يعني زائدة مثل ( ما ) بعد اذا گولة فؤاد سالم !! ماعلينا .. يگولون : الزيادة كالخشلوگ !! لأن لحد الان البغداديين يغنون واگف على المسعودي !! بس مايوگفون على الخش/ لوگي !! اني هم سمعت : يگولون : خش / لوگي .. ولحد الان ماطلع !! لاتفتهموني صح !!
