حسين القاصد
گبل ايام حچيت لكم سالفة عيون المها وشلون چانت بين الرصافة والجسر ، وشلون مضكورة بالكتب !! وشلون الوادم ماتدري عبالهم المها شي زين !! مايدرون معناها (هايشة) !! بس العرب تستحي ومايگولون عيون الهايشة على حبيبتهم شوية زحمة !! فيگولون عيون المها .. ولأن المها/ الهايشة عيونها حلوة .. چانت الوادم تخلي عليها حراسة ومع ذلك لأن عيونها تكتل كتل .. يگولون من كثر الدلال اللي حصلته الهايشة گامت تتدخل وتتجسس عالوادم ويگولون يوم من الايام وبين الرصافة والجسر ولأن اكو طريق خاص للماشية !!( بليل لهلچ .. حوّلي عدنه الليلة !! لاعمي هاي اغنية الظاهر نزلنه عالترابي ) .. المهم ماعلينه بالهوش !! يگولون فايته الهايشة من يم السيطرة ولأن الوادم يعرفونها !! سامحيلها تفوت براحتها .. بس هي ماعاجبها وضع السيطرة وبدلا من ان تبلغ الجهات الامنية المختصة حتى يرسلون تعزيزات لنقطة التفتيش .. يگولون الهايشة صرحت وگالت نقطة التفتيش اللي مرينه بيها مابيها قوة كافية !! چا شلون تصير العلاسة بعد ؟؟ رحمة الله على روح زرقاء اليمامة والعباس احسن من الهايشة بين الرصافة والجسر . !!
