عبد الله الطليباوي

مــــن زفــوك
يـوجه اليـاس كلي بايوجه رضوك
وين الكاك!!!
يلماشي وجه عريس لو ترهم
 مشيت وياك
يلمفارك نده وفراش هناك يجوز
تحلم توصلك غيمه
ياول ورده زفوه لحضن هيمه
ذاك انت المشيت وياه جتف مالايك لجفك
خشن يفلان جف الغير
وتوسط حضن جفك
وراك شكد صحت واميت حلو صوت
الهلاهل كون يتغنه بلحن صايح
وشرديت من رديت بس عيون
غركانه وحلم طافح
يلون وباكه وجه الشط
ولك كلما اريد انسه يتراوالي درب
بآثار خطوه زفتك امشط
دورلـي عذر للناس شتعذر !!!!
عرفوني وجه ميت كبل لحضات لكو
 بيه جذع مكسور بس
 بيه ورق بعده اخضر
بعدك مومسافه كاع وبعيني الدروب
 خيوط بعدك روح عافت
روح ودعتك سفر ناكوط
المسافه هواااي مابين الجتف والعين
 سفر دوره وجه زعلان
بيه شجم امل تايه وموعد ضاع
سفر بيه الدموع امتاع
بعد كل هذا ماريدن الملكه وياك
ملكه الرايه وي جيت الريح وداع
يلزفوك الا البس مثل ثوبك
 والا امشي وتجوتي ذراع
واسافر لجن موعريس مو تدري
 الجفن هم ثوب لاخر
 سفره فوك الكاع !!!
تــعبت هــــــــــوااااي
من دونك ولاعدي مجال ارتاح
خطواتي بمسيره ماي
حجـي العفتـه كسـر مكفاااااي
جنت تزعـل علي بهداااي
تذكر من تجي زعلان تشببخ
 خاطري وتحجي الثكيله وياي
كبل عدنه امنيات صغار كبرن وي
 جيت الشيب بس هم كلنه ميخالف
جنت خايف يصير فراكًـ بس
 من العرس ماخايف
حفل عرسك مشت بيه ناس فرحانين
 وانا بنفسي بحفل تابوتي ماواكف
الله ويااااااك …
الله وياااااك يلرايح تخلص
 هم تجيني هناك
واتلكاك اكلك كله الك طااااايـــح