حامد الشمري
رجعتونه لايام السلم والخير
لاعياد الطفوله وذيج فرحتنه
امضعيتنه المراجيح من الثمانين
لوماعيونكم ماجان عرفتنه
المراجيح اعرفتنه اهواي مرتبكين
لزمنه احبالهن والفرحه هزتنه
دقايق حلوه جانت زغرتنه اسنين
وملت بغداد ذيج الساعه ضحكتنه
حلو جان اختيارج للمكان اهواي
موضوضاء هادئ جنه دمعتنه
وجبتي الذاكره بدفتر ينكط احساس
ومقدمته لجنان العشك ودتنه
بخط ايدج جهنم تنقري الفردوس
وقبل ذكر المواقف بدت لذتنه
هاي انكتبت بساعة عتب وخبال
وهاي انكتبت وجنه احنه فرحانين
وهاي انكتبت وجانت النيه افراك
واشرحلج عليهه وانتِ ماتنسين
كلبج ينكسر من اشرح الاحداث
تبتسمين الي وبداخلج تبجين
الخواطر جامعتهن جامعه الومضات
أمنقتهن تكول اثياب المعرسين
اخذنه الوكت مانزلنه شي عالميز
وعلي مانشتهي من الفرحه شبعانين
ويبجيله أعلى صوره الموعد نحس بيه
ندري اثنينه بس احنه خجلانين
اهلنه تشوفهه خاف الصور شنكول
وهمه أعلى اتصال الهسه متحلفين
