يوسف حسن
رغم ظلم الوكت هم أنته وياه
أحس ضدي وعلية مرافك البين
رغم تعبي أخسرت وياك دنياي
ودون امن الصفر محصولي يازين
مثل محصول ذاك البسط ابماي
وسبيل يصيح واحد عنة شبرين
حوافر خيل وكتي اليعثر ايموت
وتعال انا اعثرت بأول خطوتين
براءه تريد وأشهدلك علي زور
واكولن ماي دم العل سجاجين
أحسن كلي عين أو وكتي منكار
وبس ارمش اخوفه وينكر العين
وعفتني انته بظرف ما انحسد بيه
احس حتى الهوه أمن استورحه سنون
ماعشت الفرح وادم نبي الله
ماعاش الطفوله وشافها شلون
ياحمل الاشيله وياهو أخليه
ثكل حملك يولفي وشحة امتون
بحيث امن اصفن ابلواك يهواي
اسمع صوت طك ارموش العيون
