عشت مابين ناس اتقلد الميتين
واجبر خلكي كوة كون يوسعهم
طحت كدامهم غير انتخيهم عود
شافوني طحت غضووو بصائرهم
عليهم صحت هاا وين الاخوان
كطن ترسوها صدكني مسامعهم
يمي اتنادسو يمكن نعرفه افلان
وخلوني انه الماجني عارفهم
امنيتي ايطيح دمعي اكبال هلشمات
عزت نفسي تذكر صوت ضحكتهم
اكض بعيوني واعصر دمع كون ايطيح
تكلي اعيوني هينه اتشوف طيحتهم
اهناك ايطيح دمعك لان طيب ذات
كلبك ينكسر والروح تحضنهم
انه عندي يقين الناس مو ناس
ذوله اموات متاكد وفاهمهم
عجز بحساسهم بس بيهم ايحسون
بغير الذله ابد ميطيب خاطرهم
