علي المنصوري
لانني احبكِ لن اقول لامي
عن سبب احزاني
لان دعاء الام مستجاب
علي سوي فضل مابيه حيل الشوك
العشك للعنده واهس وانه ما عندي
الغرور مفصل فصال عله عرض كفاج
صعبه عليج بس لخاطري تهدي
الفلح تحسبلي الف حساب انه العاكول
يجنب مكاني المار متعدي
جريمه النخله اذا مابيها تمره تحير
من تكصدها من المستحه تندي
الياكل مستحه يكضي العمر عطشان
ياساعه التمرله تحسه متغدي
صرت شايب واخر عمري راد يتوب
ولكفته المنيه كبل لا يبدي
حال المنتظر صاحبته عشر سنين
ولكاها بدله بيضه وهوه متعدي
حسرتي عليج حسرة شيخ ضكه العوز
وباب اليخدمه كاعد يجدي
اليعيش بهور وتغرب لغير مجان
روحه تشيط لمن يذكر البردي
جزى وكت الدلع عالفطره خل نعيش
موج الشيب ظل يتلاطم بخدي
انه عمري جبير وكلش بيج زغير
بس عن حلفة الله شعرج بكدي
عمر كبرني عشكج سهر شيب هموم
يمته انساج خاطر ارجع بكدي
عساج بحركه مشلل وعرضه نباك
يريد يغسل عرضه وحاله متردي
جرحه بطوله حتى خياله ينزف دم
ويلم دمه ويشوف الحيل متبدي
العاشك لو حجه بمحبوبه شعر عتاب
غزل يطلع بشعره منين ما يبدي
