فريت الشوارع ، شارع بشارع
أدور بين الوجوه الغريبة ..
عن وجه ضايع
وجه ..بي ريحة هلي والناس المحبين
وجه فاركته من اسنين
جان بكل كهاوي الناصرية ..
صداه إيرن
وبكل شوارعها البريئة ايطن
يفتر بالعكود الحاضنة النسوان
ويوزع مناشير المحبة اعله الهوى
الزعلان ، والرضيان
رمز وعي الشغيلة والفلاليح
بالسبعين .. جان ايصيح :
هاي الناصرية اللي تلاوي الريح
أبد متطيح ..!!
على بختك فهد
حلوتنه اخذهه الريح
وصفت من غير ذيج الناس
مثل كل المدن عمها القلق بالراس
هلبت ماتجي..
وتدك .. من جديد الساس ..؟!
ثقافة شعبية
