كريم راضي العماري
اتراب الارض لو عطش
ينتظر غيمة مطر
وانه انتظرتك عمر
اوغيري ابرضابك فطر
كالولي لا تنقهر
اشلون ما انقهر
شلال انه صرت
او سويته اجمل نهر
اشلون ما انقهر
واعثوك تمرة رون
او بعيوني اشوف النذل
يرمي عليهن حجر
لو ردت توفى التعب
وتصوم كل الدهر
ما توفي عمري الخلص
وياك دمعة اوسهر
مقتنع انته غلط
انه بدونك اظل
عود انصنع من خشب
اوياك اخذت الوتر
ذنبي زرعتك غلط
او ما اخاف خل اعترف
او خل تدري كل البشر
عندك علاقة كنت
ولطبعك انته ارجعت
اوياي متوالمت
ابقه انه قمة جبل
اوتمشى انته للمنحدر
