الشاعر امجد الدراجي
اعله حطتهن بعدهن كلشي ماصار ..
صُوَرك هنه هنه تسأل شبيك..
عده يوم الخميس العرست بي ..
تعال بغير يوم اكدر احاجيك ..
اذا واحد فرحتك صارت ويا ..
هم يرادلك واحد يواسيك ..
شايلهن براسي صارلي سنين..
وكل موقف وياك معنون اسمه..
انته البال فارغ جنه ميناء..
وادور بيك بلكت الكه كلمه..
جنت تحظن ورد وأتزاعل وياك..
صدك يفلان تحظن هسه زلمه..
اخذهن ذكرياتك والله وياك ..
اريد انساك وافتك من حملهن..
طلعهن بأيدك أيدي متفيد..
ثقبت الذاكره وكلهن بعدهن..
سجيتي تغيرت وأستوطنت آآه..
انفيت بشط جفاك وصرت منفه..
اجتك سفن غربه وخشنه الشراع..
ومناطق جسمك تصيرله مرفه..
برودك جان واضح دك بالأعظام..
وزلزال برجفتي وكتلك ادفه..
عليش استعجلت يلرايد تروح..
بعدني وادعتك ماكلت وسفه..
عاد انتظر بس نحظر دموع..
ولو حجه عليك يطيحن بساع..
بالملكه احنه نرهب كلش سباع..
بس مثل النثايه بيوم الوداع..
عتكت انته والتراب استحوث اعليك..
ما خليك لازم هسه تنبااااع
