مشير السعيدي
باچرشوجزانه اوصارامس واسبوع
وانا مناطر الجيتك وين ماوين
حسبالي انكليزي ابموعدك وياي
شاتلني اوتروح اتزورالحسين
انت اوي الحسين ابشنهي تتلاگون
حسين مرافج الله اوسبط من سبطين
وانت ابليس اخوك اوربك الدولار
يعني الدين عندك لوغله ابلفسين
حظن حسين آيه اورتلتها اللاء
خدر زينب ثمنها اوخنصر اوچفين
حسين احچايه وحده اوموقف اوتاريخ
حسين ابلا نبوه اوثبت الكم دين
حسين ابلا عريضه انطوف بيه ونزور
وانت امن اليضيفك تبتعد مترين
عفطت عَنِز كلك بل فقاعه ابريح
ابحبر اصبع مواطن تنفخ للصين
حدر اجناحي تلبد من نعيگ اغراب
اوعنك چنت اجاوب الف جيم اوسين
خلف الله اعلى بوش اودچ عليك الريش
صگر سواك فوگي اوشد الك جنحين
عليه اتبيع مالتي ابفلس فافون
يالسعرك مكور نص فلس من طين
صرينه السوالف حدر راگ الهور
اوحلفنا ابچرغد امك مانصير اثنين
صرنه اثنين هسه اوامك ام مسؤول
وامي ابطشت تفتر تطلبنه اطحين
ماغزر لبنها اوگيمر اهل الهور
تجسملك غداها اوتعس بيك اسنين
واذا ماصخ ملحها البي تطعم الزاد
هلبت بيك غزر ملح ماي العين
المذهب والصراط البي صِدعت الروس
مو للوكح مثلك للفقير ايلين
من اوه امداك اشگد رخيص اخلاق
تتشلبه الكراسي ابسد فحل صفين
يمطيره اليشنهج ينهطر ويطيح
يعثر عثره كشره اويسندح بالطين
