حسين ميران
شگد صاير اضحك جذب..
بوجوه ماتستحق..
من عندي لو نظرة..
تمنيت اضوك العشك..
بيه انه حسرة عثك..
ماضايگ التمرة..
خليني اصيرن الك..
كهوة وجفوف ابدوي..
للجود متحضرة..
المابيه يزرع ورد..
ليسمي روحة ندى..
لا تزعل الشجرة..
صليت وبداخلي..
شايل محبتك وثن..
وين الكه اليكسرة..
خلصت عمري انطعن.
واقنع بروحي سهو..
مايدري..وانعذرة..
لكن وصلت الوضع..
ما اتحسد ع الدمع..
ع الباقي منتظرة.
ساعة اصفن وساعة أون.
ميت سمعني وكعد..
كام ونفض گبرة.
وانته الولا بينت..
معقولة هيچي صرت..
بديتهه العشرة..
روح انته مالك ذنب..
يالكلشي منك حلو..
بس عشرتك مرة..
هو انه ذنبي لان..
حبيت.. حب من صدك..
ضنيتك اتقدره..
مغمض بلاية وعي..
گلبي بمحبتك مشى.
يستاهل اتغدره..
