مصطفى عادل
اريد ارتاح واشبگ حضني والتم بي
كاتلني البرد والليل كله صياح
يا اول صدگ الگا………
شحلم بيك خايف مايكفي الليل ويطيح برگبتي نجوم
خايف خاف اشبگك وانه ما مرتاح
اخذ طاريك وي فرگاك صار هواي ما ناسيك
كافي امشي واطيح عين من كل صوب
خضر بيه چم فلاح ……
شگد صفيت نيتي وياك …….
عشت لابد بليل وسره يم غروب
متكفي حسرتي يريدني امطر ضيم
شفرق ليلك وليلي شلون جاي اتنام
ليل العاشگ يعثر الصبح لو فاح
كلشي يهون بس الليل…..
اويلي من اختلي بروحي
واشهگك حيل اوزر صفاح
يل لايك عليه بيا بخت تبعد
بعدك روحي ظلمة منين ما وچد
تعال وشوف شوگي يعبرك لحد وين
اذا قصر وياك بروح روحي البد
صوتك بذني يصهل والظنون تحوم
واغض النظر عنك بس اظل ملجوم
بعدك كمت اغص بحساس …..
على نيتي وحسبت وياك اعوض الراح
مو صدفه ولكيتك حتى مني اتضيع
جبتك حلم وردي لروحي ماحاجي
ينشوه شوك بيه وحسرتي بلا شوف
من تبعد عليه الليل مابي حيل
وتعيشني بأمل واكبر بعين الطير
بس ماعفت بيه جناح ………
واظل متعلك بطاريك يا مثواي
انه حبيتك بواهس نده وخلان
لمني وخل نعيش اثنينه متيهين
روحك شده بيه بنيه الجناي
لمني بريجي عبره الماي متعدي
اذا هدهه بوجه يفهم ونين الناي
دمعتي وحوبتي على القسمة متحلفين
اذا كضوهه يمكن بيه يرجع راي
شكد طاحو بعيني وطاحو من العين
بس انته الوحيد الباقي بيهه فياي
دفو عيونك يجرني لنشوة العشاك
وانه بارد اعرفك والمصيبة وياي
