يوسف الدراجي
وحشة حيل
ويه الهوى
تاخذني ورقة سوالفك
حــد صفنتي
وارجــع وأكَـود بدمعتي
واتذكرك
من يمر شعرك عالسلف
الديرة تغفه ويه الزلف
يالضحكتك ويه النفس
يشهكَــها جرفين النهـر
والــروج عالشفــه يمــر
أذكـر أمـس
ختلت وره جفونك شمس
غطانا بجفوفه المطر
والشاطئ يحضنه سوى
ويه الهوى
وي صورتك يبدي السهـر
يغفـه الكهف ويصير سادسهم كَمـر
وحـــــــشة حيــــــل
يثاوب كَبالي الليل
وشكَـــد صور
الكَـله اعلـه حيطان الجفن
من أغفـــه أون وأتذكــــــرك
ويكَودني بكيــفه الحجل
وي خطوتك
يرسمني بعيونك كحل
بس ضحكة فوكَـ اشفافي رش
بلكت يمرجحني الرمش
والشجرة تحنضنــه سوى
ويـه الهوى
