ميثم فالح
من طبيت بيتك مو ضعف جان
اخاف اتكول ما وفه بكلمته
شوصفلك ابابك واكف شلون
احس الموت يم الباب شفته
وصدك امنت بابك كومت اسرار
لذالك ثكل من بابك فتحته
كبل لاادخل الكم كلبي الك راح
مدري اشجان يصرخ ما سمعته
اظن اهلك درو هل عني ضموك؟
وجهك من وره الحيطان شفته
خفت تغلط اعيوني وبسمك اصيح
لهذا الشوف يم الباب عفته
وخفت يغلط الساني وبسمك ايصيح
وهذا السان شاعر صعبة اسكته
اطلعت من بيتكم لو جبته وياي
ما ادري الجسد بالبيت عفته
مدام بوجه الابيض خلصت وياك
حمت الله على الصار وشكرته
