علي المحمداوي
عصرت ضلوعي حت ما منها طاح جفاك
لگيتك للاسف ياريت ما لاكيك
على وجهك بنيت الما تمنيته
ليغرك نفس بين الكبور يعيش ،
ما كعدله ميت رجعه لبيته
رحت وي الكبل المنه جنت اضوج
حنانك جان الي للخانك انطيته
صوتك والشرب وثنينهن بلراس
السكر بلكاس عطرك نسم بريته
مو صوج الخذاك الماخذك معذور
كلبك ما يعرفه وانه وديته
تواعدني وتواعد غير ما مجبور
حچيك لو رجل چا ظهره طكيته
على كلبي انتچو چتفه وصل مگفاي
وگلت رايد طيب بكلبي خليته
اليحب بأول ايام بعقله تلكه خبال
مثل سطره ابو من ينهجم بيته
وجهك بي گفه كل ما تجيني تروح
عشره وياي بس ما لحظة حاچيته
متنسيه بزعل امه بزعل تهواي
تكافي من الزعل مو كلبي شليته
