حسين السيد
يالعينك بحر ورموشك أنته سيوف
وهلال الحواجب والحلگ شذرة
ويالرگبتك حضرة وبيهه ليل يطوف
وجواهه القباب النارهن گبرة
بيك انعكس كلشي وكلشي ما مألوف
شلون قباب صارت اسفل الحضرة
يلشايل شفايف بيهه طعم التوت
سبحان الاله الصبك بقدرة
وردي اللون بيهن طاغي حد الموت
گلي بروح ابوك تجيبه ياحمرة
زهرة الخد حويته وبي شكل تفاح
اذا شميته ثق ما اشم بعد زهرة
بطنك فجر ابيض وبي محطة نور
واقع احچي اذن ماتكدر تنكره
وسيقانك عرايس لبسن البدلات
باقة ورد چدمك بالمشي تنثره
طين الناس ادري انته من ياطين
ياناصع بياض تميل للحمرة
للعشرة الجمال تقيسه هاي الناس
بس نسبة جمالك مية بالعشرة
هدوء السهرة عندك عندي لا موهيج
اكلبهه معارة واشعل السهرة
ماوصفت بعضك ادري مو نسيان
لچن عالمنصة الوادم تحظرة
تعال بليل يمي وخل اراويك
شنهو العفته منك شنهو ماذكره
ومازيدن بعد كي ما ازل وياك
اتصور جلية وواضحة الفكرة
تعال الروح بتك وانته ابيهه
ويريت بغرفة وحدي وانته بيهه
هدوء السهرة عندك وان تبيهه
سهرتي انه كحربٍ طائفية
