الشاعر نشأت الخالدي
گلت مجروح جاوب لا حرامات
فرحت كلشّ يكمل ما متت ليش
ما همني وحقك گلبي المات
لكن همني انته بداخله تعيش
تطعني وگلت مرت سلامات
أشوفك ويه غيري وگلت بالريش
وعشگت الهم عشگ ماصار من حيث
أغار من الأشوفه بوم مهموم
وطرت للانهايه وبوكت بي
أتحده اليطيح ويرجع يكوم
شگد انا احبك عدد مجهول
شعجب ناتج علاقة حبنه معلوم
وصارت خبره عندي من الخيانات
من أشم أي شعر أعرف اذا مشموم
تطگ گلبي بسهم مو منهه زعلان
زعلت چي چان سهمك ماهو مسموم
وطبت من السهم ورجعت ندمان
وگلتلك محد من الغلط معصوم
وقنعتك بالغلط وتكلي غلطان
وگلت حاشاك من الغلط محشوم
يل عيدك سراب بصوم أتانيك .
أتاني وأدري راح أگضي العمر صوم
كتبت دستور حبنه بأيدك وچان
قرارك في عدم لعدام معدوم
وحسب بند الهجر من العقوبات
لأزم ترجع بتهمت هجر يوم
