ايهاب المالكي
ما ردت احبك حــــــاولت
من لفظة اسمك حاذرت
چلمة وشلتهه من الحچي
من اللسان اخفيــــــــتهه
و بيبان روحي مقــــفله
وعن لا احب سديتـــــهه
صلفه امنــــياتي الرادتك
سئلتني عنك بس صمت !
گلـــــــــــش ولاحاچيتهه
گالتلي وينه ؟! وجــاوبت
مادري مادليتـــــــــــــهه
ماردت احس حبـــك لان
گبلك الروح انطيــــــتهه
ولخاطرك رحت اعــــتذر
منيت بيهه لخاطـــــــرك
مثل الطفل ..لمن يمن بحاجته
وياك اعز ناسي انتهى …
وم اكمت احس بعازته
أبدربي گلت لو مو سوه ..
امشي حياة بلا درب
يمكن يشح عني الهوى ؟
لابس جذب…
معقولة مانمشي سوه ؟
معقولة في لحظة الشمس
للكاع ماتنطي ضوه ؟
وتنتهي ومانلگه صبح ؟
معقولة يطلعلي جرح ؟!
معقولة ؟!
ريشة شفتك
ترسملي بالضحكة رمح ؟!
لا …موصدك
خلينا من هذا الحچي…
بجفوني سولة عللبچي
وصياد كاعد بالجفن للدمع شايل فالته
وياي احسك چن صرت مثل الهلال وهالته
كالولك يعوفك تره ؟!
تذكر كبل
كتلي شكلهم ؟!
كتلك أي…..كلهم لمن من يمي تمشي جنازته
هو انه عايشلك لان
دمي الاعز مو بالجسد بس انته تعرف حالته
من مايحس بلمستك ؟!
يخلص وتبقى وشالته
تذكر چنت
من تعتنيلي بدمعتك مشتاگ حتى تشوفني ؟
وتلگاني روح مشگگه ولمسات اديك تروفني
تتركني هسه قررت !
ينطيك كلبك ننتهي وبس بالاحلام تشوفني
تتركني هيج بلاذنب ؟!
بررلي حتى لوجذب
مليت گلي گمت امل
شيحمله ليلي بوحدتي ؟!
عندك عذر ..
مليت گلي …گمت امل
شيحمله ليلي بوحدتي
ماينحمل عدك تره
وجذبت كتلك ينحمل
كتلك لمن تمشي تره تتركني وحدي چن طفل
تايه ..
وكل اهله مشو ..
عايش أتاني الما أجو…
كلشي اليمر يفززه …
حتى الشماته اتفززه..
من يمشي ويهب الهوه
يلتفت حسباله حچو
لكن لمن يتذكرك
حتى الشماته ..
