حامد الشمري
عدل يمكن اجت هل مرة وياي
وراح بجفك اصدرهه الآهات
كبل يلي طويل يعذب الحيل
بفضل الله وحنانك صار لحظات
على همومي ادك ودك هلي وياي
ردنه انشيلهن كالنه هيهات
اجيت انت واجانه الصوت وياك
رصيد اهمومك المتبقي سنتات
كبل جيتك الي ماينعقل ظيم
روحي اتكلي شنهاي الخرافات
سنين العمر خلصن ويه تماثيل
حنان البيه حجاهم حرامات
بعد فرحه بحياتي بوجهي يبجون
ويضحكون بدمعتي اتكول شمات
دسل شيب الكلب كدامهم كوم
وخل شيب البراسي احتاجه مرات
اوكفك شاهد وسولف علي زين
وعلي أشر اذا جوني بملامات
علي هسه شعجب كامو يغارون
وعلى وجناتهم بانت علامات
عمر انه بحظنهم انزف احساس
ولكِ بالجذب ماكالو سلامات
دردني زغير ليام الدللوووول
وابدي وياي من التاته توااات
ورضعني حنان وعاطفه وشوك
تره معوز بكد نجم السماوات
وبصف العشك بيدك سجل الروح وبمدرسة العواطف والعلاقات
ونعوف بيوتنه وبالاول نعيش
ونفز الصبح بجفوف المعلمات
