ضيف الزيدي
ارد اگلك روح بس مابـيـه اگــــــول
وارد اگلك ابقه لكن ما يصير
انته قصرك عالي لا تـنـــــزل حرام
وللقصر لو مات ما يصعد فقير
ويبست احلام العشــــك وكليبي ذاب
وتسمع بصدري فقط صوت الصفير
گبل حـچيـك چـان لگـلـيـبي جــنـــاح
هسه ماعندي كلب خــاطر يطير
لا تدك عالــناي مـا تـطـربـنـي روح
فارس بلا مهره ما يــگـــدر يغير
وآنه مثل الفــــــــارس بـلــيه جـــواد
صدك فارس بس ركــب رجلينه
آنـــه احــبـك يا كـمـر عـالـي بـسماي
ولن كتمها الكلب تـــمــطر عينه
عـالـي عـنـگـودك زهـه ووالله حــرام
لا تعوفه ولا تنــوشــه ايــديــــنه
ادري كـلبـك راج من طــول السكوت
وآنه اخــرس مــا يفــك شفـــتــــيــنه
گوي كلبك خاف مــن روجـه يـطيـح
كلبي ما يحمل تطـــيــح عــلــينه
آنــه سـاكت مو لأن اهــوه السـكوت
سكتاني الضيم مـــــــال سنـــيـني
آنـــه صح سـاكت لجن عينك تشوف
شكد سوالف هاي تهــمـــل عيني
آنـــه ردتـك والـوكـت واكـف سيـاج
وحيل بينك عالي ســوره وبــيــني
راح اموت شـلـون يالــغــالي دريت
غير وجهك يـــاهـو اليــــسلــيني
يالـعـفـتـنـي بلا نـفـس وتـريـد اجيك
آنه ميت وانته ادرى بحــــــالــي
آنه ميـت لـجـن راح أعـدل واجـيـك
وكلشي يجره بيوم يأمر غالـــــي
يالشــغـلـت الـبال ظـل بـالي عـليـك
راح انصبك انته وامسح بـــالـــي
ردت أوصللـك لـجـن مـا بيه اطـيـر
شـــرد اطيــر وانــت ذاك الــــعــــالي
ردت اوصلـلك لجن أوصل مـحــال
شجاب اهل الجنه ويه اهل السعير
يالعشكتــــك انتــــه مــا شايــــــــــف حياة
