شاكر حسن
الظلمة خنگت گمرتك
الجوع يسحك خبزتك
الماي خابط
ماتصفيه نيتك!!؟
حزنك يجفف فرحتك
حزنك عواصف من دمع
تكتل ضحكتك بالمهد
وتگود شفه المارضت تضحك أبد
وإهناك
تلكه القافلة
وبيها ضميرك ينتظر
متأمل بصحوة شمس
تنقذ ضواك وتشعل الكمره الأمس
حجبتها وديان الظلام
العثرت مد خطوتك! !!
قلمك گلب
ينبض قلق!!
يرجف إذا لاحظ صدى
لصوت الضمير المنفصل عن الأمل
من يرجع وشاف الندى
يحرك ورد
وبس تكتب احروف السطر
تتهدم اركان الشعر!!
يبچي الورق
لابسله ثوب أسود يرد
من يسمع بصرخة ظلع
من أمنه بالباب أنكسر…
