علي نجم
هم انت شكو لخاطر الرحت وياه
هدني لخاطر الله اتركني بس ذكرى
مثلي شكد اكو طب للكبور وشوف
مات من القهر مكتوب يم كبره
على رفعة صدري يتدخل الشيطان
وجم استغفر الله بساع تتبره
وبالدم والصلح بس بالسجن حاجوز
مرات البخت هم ينطرد بره
مكان الما الك بي كعدة لاتدناه
الغراب استحى وما حط على الشجرة
اشجابك لا تجي لك باوع الشيطان
بي عزت نفس ما يدخل الحضرة
بيمن قصرت من نعلة على لا عيب
حبيتك صدك ما اكدر اجرأ
جبتلك عين ذيب وهم نمت شتريد
وسالوني وكلت ما ماخذ الشمرة
غبت عني لان عنك رحت يومين
اليحب ينتظر لا تكلي يتبره
اهي كطرة اعلى كصة كل بشر مخلوق
وميهمني العشك لاتكلي بالفترة
جربت العشك ماذلني تدري شلون
طاحت كصتي وما طاحت الكطرة
ولك لو كلها مثلك ما تجازي الطيب
جان وداعتك محد زرع شجرة
