عماد الجابري
لان اسمك علي مارادو تعيش
فگدتك والهضيمة بكبر المصاب
خذت طولك تفاهت هالقوانين
الماتحكم عليهم ميت ارهاب
يمن لخطوتك چم فدوة يرحون
المايسون ابچي وانزف اعتاب
يا ابو دم النزف علذابحة علوك
بي ريحة محمد واله الاطياب
المثلك كون ينهل بالحد هيل
مو بالغيم اسمه وطامه اتراب
يعكس طفولتك لامك خراخيش
واهس بيك چان يطيب اصواب
اسير علدمع وتچة صفنات
وسولفلك سوالف غاصة غياب
يبس خلگي تعال ونكعه بشوف
الضحك دمع عليك ولابس انگاب
بنشغتي ومن اجرن جرت اقسام
انه لموكد دليلي الليل حطاب
اليسهر حسرتي مايحضه بنجوم
بجرف صدري يتلاطم مشتهه اصحاب
كون تفوت كهفي العمره فركاك
حبل هندس غيابك علنفس ضاب
يل المفطر حياتي فطور كيعان
وي حشت خضارك واكفه اسباب
وي دين اليحلل كتلت الدين
احطن حوبه الله وكل كلب شاب
علاوي اطمئن ونام مرتاح
ثارك سلميته لقالع الباب
