عدنان البركي
أكو بروحي سوالف تنكت تراب
غير الگالي واحد يسوه العتاب
يچي ويلعب بروحي شلون ميريد
ويوصل مستوى الحب ..للتجاعيد
ويفر فرة (كطايه)والزم الباب
وظل واكف وأبرر .. يرد هساع
لما تكفر اچدامي بصرة الكاع
ويخضر بالأصابع هرش ،عاكول
وأصيرن موبنادم جني ماصول
اصيرن چف رضيع بحوض تيزاب
اليحس بداخلي وگلبي وينينه
اريده الله، ايكلي بدمع عينه
مبدع لايگلي أبيش أنوح
شتظنه انسان هذا اليكتب جروح
انا، بروحي خرابة وبوم وغراب
