زامل سعيد فتاح
مشيت وياه للمكير اودعنه
مشيت وكل كتر مني انهدم بالحسرة والونه
و على الرملة……..
بضوه الكمره
يناشدني وانشدنه
اكله تروح……….؟ وكليبي
بعد بيمن اهيدنه
بجه ودموعي لاكنه
بعد وعضاي زتنه
و يوميلي بطرف جفيته
من بعيد اشوفنه
و صاح الريل
و انه وياه
يعت بيه …واعتنه
يجرني بحيله ويصوفر
وانه معرد واجرنه
ذمة بركبتك خلني ولك مشوار اشوفنه
ولك يا ريل لا تبعد
ولك ولفي واريدنه
وجزاني يجر فراكينه
ومامش حيل اردنه
واظل ارفس رفيس الطير
ادين زغار الزمنه
واهومش ما دريت منين
جدمي وين انكلنه
واحط كلبي على السجة بلجي الزين يسمعنه
و على الدلال موش السجة
مشى الريل اهيسنه
واظل مناطر السجة واعد محاط للبصرة
ها ..تل اللحم وصلوا….
جزو…….؟
نام..؟ وهدل شعره
ولك يا ريل لا تكعراخاف تفزز السمرة
وارد للناصرية اردود مخنوك الف عبرة
ويراويني النخل موكاف حبنه وطيبة العشرة
ويكلي اصبر
شهر ويعود
والمفطوم شيصبره….؟
