احمد خمــاس
مابين كَرصــة خبـز
مابيـن كَـرصة بـرد
طفلـة ورصيـف وجمـر
بات بجفنها السهــر
كل نشغـة منــها
انشلـت من العمـر
نص عمـر
مـدت جسـدها و دعـت
والجبـل چنـه انصدع
والليلـة صارت قــدر …
غازل زلفـها الهـوه
والكَلب بيها انجــوه
ليغاد …
مــر القدر…
وهنــــاك حارس صفـر
والكَمــر بيها خجـل
لمن عصــرها الخجــل
كاغد يطرده الهــوه
لم وجـهه شايـل زعل
كل كَلبه نكَلة سفر
دمعت عين السمه
والطفلة رادت تفر
لا وطن …
واقترب وكـت الصبح
بان اعلـه وجهـه الفجـر ..
صاحبها ورد الصبـح
رشاها رشـت عطــر
وهنا وصلها خبـر
الليل اظنـه انتحـر
مراها جف من علي
شايل ربع منلزك
نشف ارياكَ الوجن
وهنا يمر الوطن ….
