جاسم الخفاجي
باچر الفرصة تجي
باچر هلالچ يدنيا
يدكّ جرص فوكَ اليتامة
ويركض عله الساحة عيدچ
باچر الفرصة تجي
الكل الارامل
باچر يحل البچي
باچر وي الله اكبر
تنكث كل الصرايف
والصدى مصوفر يجي
باچر الله يصيح عيد
والجروح تصيح عيد
باچر الماعدهَ والد
يحتضنهَ
المكَبرة تمدلهَ ايد
باچر تفك ريجهَ
المحرومة
دمعة
باچر بسوكَ اليتامة
من الصبح
ماتبقه
شمعة
باچر تضج القبور
باچر ابدا من الهوى
شم البخور
باچر العندهَ يتامه
ثلث ليالي تظل تفور
باچر ايتام العكَد يتواعدون
واحد يعيد الثاني
بمي ورد
يتعايـــدون
