عبد الوهاب الحمداني
منين اجيب ابليس يغويك وتجيني
منين احط عينك نبي واكفر بديني
يلي بعيونك سوالف شهرزاد والف ليلة وليلة
وبيهن العفه لجام
وشوگگ اليصهل عناد كحيلة…..
ومستحاك بين كل ذني گمر
والدنيا ليل
كافي ما ملت شفافك
من طواري المستحيل
ياحلم يكطع سمه الكون ويجيني
يطيح بعيوني ملامة ..
وانا من دون الخلك
دهري ابتلاني وصرت للوادم علامة ..
وروحي كل ما تهتدي
وتركب رشدهه
يغير بيهه الشوگ تگطع كل رسن عدهه وتجيك
وهيه متروسه يقين
تلاگي كل المالگتهن كبل بيك
وتعتنيك ..
وتعتنيك الوين ما عند الله
گاع وعدهه حيل
وهيه تدري بچذبه فراگك
رمل والشوك سيل
ياحسرتي التبتدي من اخر ندى بوجه النهار
تبلل عيوني بنداوة
ليلك الينزف دمع
