ضياء المياحي
ليلـة العـرسان بيهه شكـد حـلال
واني وانـت ما گـدرنـه انعيـش ساعات الزفـاف
وتنـرسم فـرحـة بـوجهنـه
وتـذبل اشفـاف الحـزن …
خـربـت اندافت عرسنه وهلهـل الشامـت كطـن …
وانـي وانـت ما لكينـه اليـوكـف ويانـه سنـد
وتارس اچفـوفـه محنـه يسـوي لله وچفـه فلتـه …
ويـن نلگـه بهل زمان الخالـي من كلشي صديج يغيـض صمتـه
هـور المـروه نشـف والـريـج سكتـه …
انـت يالخليتنـي ابالك معاتـب
شـوف عينـك بارحـه وماظـل حضـن …
بعـد ذيـچ الناس عالغـربـة انتچيـت ومـو علـه بالي متـن …
كافـي ياطيـر الكناري تمـرعـد بـروحـي دخـن …
كافـي لا تعتـب علي شيفـرغ اديـك …
منيـن اكـض وردة سمـارك
وامـة العاكـول ملتمـه عليـك …
البارحة هالبارحة
بالطيـف چـن ليلـة عـرسنـه …
واذن اذان العـرس جامـع عشگنـه
وصعـدت النشـوة لفـوووووك …
وصلـن اشفافي على شفافك جماعـة
وچنـه متـوضيـن ضـــوك …
والفززتنـي بـرودة الوينـك تعال
صيفـت بيـه الجروح بكثـر ما بـردان شـوگ …
وهاي مـرت چـم سنـة ماشفتـك وبخيـت شـوگ …
منهـد ما چفينك وچفـي صـرت مجبـور اهـدهـن …
آآآآآه يا الغاكـت محبتـك تفتـر علـه اطيورهـه البيـه بعـدهـن …
آآآآآه يالصبيتلك كـل فـرحـه مضمـومـة بمعـزة بثـوب عيـد …
خاف نتلاكـه بدرب لو مـن بعيـد …
لا تمـد أيـدك علي خلهـا وراك …
روحـك تـوجـد مكانـي بلايـه ذاك …
وروحـي ماخليتها علـه البيك تـدنـه
وشمتـت بينـه العشگ …
انـت تعلـم بالشحيـح وروحـي متـروسه صـدك …
مادرت ثلـج الخيانـة وكاسـرت حلك بحلك …
انـت ماترهملي بـس صـوجـي انغـريـت
وسلمـت روحـي فـريسـة بيـن رمـش عيونك وصافـي الـزراك …
وانـي ادري انـي ادري نهايـة العاكـر طــلاك ….
