جاسم الخفاجي
يدكّ جرص فوكَ اليتامه
ويركض عله الساحة عيدج
باجر الفرصة تجي
الكل الارامل
باجر يحل البجي
باجر وي الله اكبر
تنكث كل الصرايف
والصدى مصوفر يجي
باجر الله يصيح عيد
والجروح تصيح عيد
باجر الماعدهَ والد
يحتضنهَ
المكَبرة تمدلهَ ايد
باجر تفك ريجهَ
المحرومة
دمعة
باجر بسوكَ اليتامة
من الصبح
ماتبقة
شمعة
باجر تضج القبور
باجر ابدا من الهوى
شم البخور
باجر العدهَ يتامة
ثلث ليالي تضل تفور
باجر ايتام العكَد يتواعدون
واحد يعيد الثاني
بمي ورد
يتعايـــدون
