ايهاب المالكي
بعيوني اريدك تجي لو بس حلم عابر ..
اطيني نسمة هوى وبراحتك سافر
من دونك انه ترى متلعثم وحاير …
لو كلبي لو خاطري ما اعرف شكاسر
يلبيه الك لوعتي والشوق والشاعر …
وليل وحلم بالجفن والماضي والحاضر
كلي اذا ماتجي وسولف من الاخر…
انا ودمـــــــــــعتي ترى مانصبر الباجر
عكبك امن منو ومنين ما احاذر …
حرب الظنون ابتدت والعازتك ســـاتر
وديلي اثر خطوتك وديلي عطر لمستك…
سويلي واهس اظل وكت البعد صابر
ما خضرت والنهر وشل ونا مناطر…
والظن جنيتك ترى معذور اله الظاهر
جن دوب ادور سمه عله الطير المهاجر…
بعدك كله من الخلك وتشلبه على الخاطر
يالماسمعت الحجي .جا ماسمـــــعت البجي …
شــــــــتريد اموت…اي متت تدلل وتامر
خيلـــــ الـــحزن على الجفن خلت اثر حافر …
وياك احس بالنــــــصر من ارد خاسر
بس انت ثق بالهوه بطلت ماعاشر ….
وهسه افتهمت المثل عن غلطة الشاطر
