لفتة مطير الباني
كون أدري الونين إيفيد
ﭽاونيت حد ماتنـﮕضي الونه
أو كون ادري العتب ينفع ﮔلب مالوم
ماخليت صفنات الليالي اتمن علي منه
أنه اولاية حزن ظلمه بـﭼت بيها اليتامى
أو ﮔطعت الظنه
عاشرت السهر وتخاوه وي الليل
واندل كل كتر منه
واﮔول الله بس انه عله العثرات
من دون الطوايف جدمي يتعنه
خطيتي إبرﮔبة السحـﮕو على هروش الوفه
او ﮔالوا تبدلنه
طبع بيه الوفه أو ماخون واسنين
الـﮕحط ﮔلبي يعرفنه
عاى المامش عشت عاﮔول
وورّد عالعطش وبدمي أتحنه
أكيّف من يهل عاشور.. حتى أخلط دمعتي او يالدموع
أو حالي حال الناس محد يلتفت لو زيجي أشـﮕنه
إذا سحـﮕت علينه الخيل
صرنه اتراب محد بالمضايف بعد يذكرنه
ولا واحد يزور اترابنه وياخذ على
وايخاف من جدنه
