لفته الباني
كول اشما تريد اتكول…
انه ادرى الرمح بجلاى…
بس ما عاتبت يوم وكلت ملجوم.
وانه ادرى الوكت بذات…
بس ما طحت وابسطر السوالف ينكتب مهزوم.
رسم جوع الليالى ابوجهى الف نيشان…
كمت اكل ابروحى وما كلت مندوم.
ضليت افتر وى الكاع…
كل ساع ابكتر….
كالو على مظلوم.
كل ركعة الجبيره ابثوبى مثل التاج….
اتباهه ابعذابى وجلمة المحروم.
شربت الماى راكد من تشربه الناس….
يمكن يكطع الزردوم.
تانيت الفجر وادرى الفجر جذاب….
حتى الشمس من تطلع عليها اغيوم.
رادو يشترون الجوع بالدينار…
بس ما بعت جوعى وبطلت ما سوم.
رادو يشترون الخام للعريان…
ظليت ابطبع ادم عزيز وما يعرف السوم.
هسه انباع دين الله ابربع دولار…
واكبال الخيانة الشرف ظل مثلوم.
كول اشما تريد اتكول ما مندوم.
اذا طبعك صخر ينكسر روج الماى….
تتحدى البحر واتعوم.
واذا طبعك رعيع اطيح…
مشلول الجدم…
والله…
ابد متكوم.
