شاكر حسن
بين عازه وخوف تمشي الناس
مجبوره بحملها
تنتظر يكمل حلمها
العوز ذيب! !!
ايمدله ناب بلب كلب أفراحها
ويكثر حزنها….
تاهت الخطوات بأذيال الهزيمه
وردت اسنين العجاف وماكو غيمه
وبس قحط
الناس ملو
أتخذو من الجوع دين!!
والفقر مجرم أثيم
الفقر شيطان شاطر بس
على أحساب اليتيم,,,,
وآني راودني حلم عفت القصيدة
وحلمي خالي من العجاف
الماتت بسدها السنابل
ابعيد عن ظلم القبائل
هاي جنه
هاذ باب الفقره يمه
إبين جايع بين سائل
آه لو حلمي ايتحقق
أنطي بي للخبزه فتوه
تزجر الجوع وتطرده
تلغي بي ليل الضباب
الحجب شمس الله وصبحها
اترتل آيات الرفاه..
فاصل أخباري وأرجو الأنتباه
خبر ينبث عالمباشر
الخبر حصرآ فقط
للفقراء
صادرآ من نشرة الأنواء توآ
جاء فيه مايلي:
الحالة الجوية المتوقعة لهذه الليلة
والأيام التي تليها كالآتي((خير ممطر فيه نعمات كثيرة بحنان ينهمر يستمر يملأ مناطق الفقراء وضواحيها))
بحلمي ديرة وبيها باب
باب عادل
الظلم لمن يشرفه جهرتآ
ينطي أمر بالأنسحاب
حلمي بي فارس اعرفه
الملامح هيه هيه
خلي أتأكد وأكلكم
هو والله هاذ حيدر أبو أتراب
