جبار صدام
عمية العين من دون الكحل ترمد
وشنو نفع الكحل لو مالگة المرود
إنت عيونه الچنه احنه بيها نشوف
ولمن غادرت ماكلت بيش نشوف يمعود
عميان احنة صرنه ومانشوف افراح
صرنه نشوف لون الدنيه بس اسود
وبقينه بحيره مانعرف شنو اللي صار
نسأل محد يجاوب ومحد يفتهم محد
الناس تصيح وين أحمد
واحنه نصيح وين أحمد
وسؤال شكبره عدنه ومالگينه الرد
الفضلي يگول خابرني أمس بالليل
وتواعد وياي يزورني الاحد
والكعبي وكريم اللامي وموفق
گالوا هسه جان اهنانه راح ورد
يم الخزعلي ريسان گالوا جان
يكتبون بقصيدة توثق المشهد
ولد حردان گالوا دخل للقاعة
وشاكر واللهيبي يگول نتأگد
حميد الناعس وكاظم ابن غيلان
يبجي يگول راح إمنيدنه تفرهد
وعلي برهان بيده شموع
يفتر بالحديقه يگول شفته أهنا غصن ورد
واخيراً هايبو مروه
تعال شبيك يمعود
تدري امن ادخلت للقاعة والعباس إجه (شدهان) يبچي يگول أريد أحمد
