جنت بالروح هسه اطلع الروح 

كرهتك كَد معزتك كَبل واكثر 

خط كحله جنت من عيني لليل 

قبل لمن جنت بالراس تفتر 

مبلل بالزعل متحلف انساك 

دمعك عل كَلب لا تظنه اثر 

وفه العباس بيه ناوي اشلعك 

مثل ما شلع حيدر باب خيبر 

وكعت صورتك من عيني بالكاع.

شلتها ومن شلته الكلب فطر 

خدرت صورتك بجفوفي فدنوب

عرفتك ويه واحد جاي تسهر 

وعرفتك من نمت فزيت مبيوك

لان بالصورة كلش وجهك اصفر 

حيل وياي اني استعجلت بيك 

اول مره احب ولازم اعثر 

حسبتك سما متجرك غيوم 

غشيم وما دريت بغمزه تنجر