لفتة الباني
مو كلمن ضحك بطران…
مرات الضحك من تثكل الوجعه.
ومو كلمن يغنى امن الطرب والكيف…
مهو طور الحزين ايهيض الدمعه.
ونوبات الونين ايصير مثل السيف….
سكته ايوذر الدلال ويكطعه.
تلاكن ليل ضلمه وغيم….
ومزامط وكت خربان كل طبعه.
زمان الما يطيع اوياك….
كو ه اعليك تتحمل مراره وغصبن اتجرعه.
وكوه اعله السفن تذعن لعالى الريح… وعالى اشراعهه اتنزعه.
اذا مردى وتعذر للشله بالطين…
يا كصبه اتنخه وتكدر اتدفعه.
خل جرحك ينز كلساع
لاتاخذ حجى العطاب واتسمعه.
نار البيك ما ضوت درب مكطوع… تترجه الضوه امن اتبلبص الشمعه
