حسين صالح

العسر خاله البين وإنته احكم بهاي بين ابن اخت والخال حطتني دنياي

.بعسر غيري النوايب .فاتحتمن

وسهم غدرك بكلبي.  فاتحتمن  

اكتلتني وجاي تنشد  فاتحتمن  

ولاجنك رحت جناز بيه………

لبست سواد اعضاي كلها اعله فركاك بس الشعر معذور …..فك حزنه بجفاك……..

اتلفت خايب تعال وشوف   تلفاي  

اون وصارن الشوغات …..  تلفاي  

ولك ردتك تبيض الوجه ….  تلفاي  

موتجفي وتبيض الراس اليه ………..

وجهك ثكيل اليوم …مالايكنه

ماشوفن بملكاك ذيج المحنه……

اهنا يالجان طرفك ……  لامحنه  

يظل جفّي اعله طيفك   لامحنه  

لاظلت شفاكه ………..  لامحنه  

الهله شرخص الهله وشحت عليه………..

وشلن وانه بعوز ………ماخذت حيفي

ومنين اجيب عيون وابجي اعله كيفي……..

اشتهدمن يالليالي   واشتهيمن  

ونه بالصيف اهوجن   واشتهيمن  

بعد بيمن اتلذذ…….  واشتهيمن  

وخذيتنه الكبل مذخور اليه……….

الحلك من ينقاس وي نسبة العين

ناتج رياضي يصير واحد على اثنين……..

اهنا يامن ترد روحي …..  شمتهه  

ايتضعضع من يصد ليها …  شمتهه  

كمر خدها وعلى شفتهه  شمتهه  

وضعف دورة حلكها العين هيه……….

جيب الجفن لو جيت يل مني خوفك

اول وتالي تروح …..روحي امنشوفك…….

.روحي الماتعن فركاك ..  عنهه  

وهسه اتداركت مابشر  عنهه  

ماتنشد ولو بالجذب…  عنهه  

ملج الموت ظل ينشد عليه………….

مدري انه ضايع بيك مدري الوصف ضاع يالهوه وطعم الماي ………وبرودة الكاع………

على جفاك النوايب   حتمني  

ولا ظل امل عندي .  حتمني  

اغار اعليك صدّك…  حتمني  

امن الج بسمك اهيس نار بيه