علي السعدون

لظن يجفل القداح لو رادت تلمسه الايد

ولا عشب الفيافي ايغيض ويزعل غزال البيد

يا صوت اونغم بلبل خذاه الشوك

طار اواهسه التغريد

يا دهله جوالي التستحي امن الكيظ

تضحك وي هوه اجويريد

يا مزنة ليالي بارح المتنام تبجي ادموعها ابتنهيد

ياسفرة اهلنه التنمد ابرمضان وتخلي الشهيه اتزيد-وين اتريد

هيمه الدرب مو مامون ظلمه اوجو سمانه ارعيد

وين اتريد

ناوي ترحل ابسكوت غفله اوعني تمشي ابعيد

جزاوي اكلوب هاي الناس مدفونه واخاف اتصيد

الك يل تشتهيك اجروح بيه او للابد متهيد

وين اتريد والله لو جستها ابئيد

افز من نومتي وصحالك اوارتاح

واحس ابفرحه فرحة عيد

وين اتريد

اخذ مني بكايه الروح جددها الك تجديد

اخذ عمري اوليالي اصباي وسنيني بل تحديد

اخذ كلبي اونزف شريان وجروحي بل تضميد

احبك حب كلب ملهوف شوكك قيد تقيد

وذا حب هل كلب صدكني ما كفاك

اكص كلبي اوكلب ازرعلك امن جديد

وين اتريد—وين اتريد