علي حسين

وحرت بعدك منو يفتحه بمماتك

(يمة العوز بعدك دك على الباب)

كوم اطلعله لاتطلع خواتك

يمه العوز كافر ماله رداد

وجه للباب جان بقصده ذلهن

يمه العوز خلهن بين امرين

يجدن يمه لو يهتك سترهن

وشفت منضر عميت وريت ماشوف

جفوف بحجه تنطيهن تكظهن

عنده العوز ثار ويالشريفات

المكشفات مايندل عتبهن

روح البابهن ماتلكه أثر باب

تلكه (استغفر الله؟؟) هناك عدهن

عكس باب الشريفه تلكه ممنوع

الضوه زلمه غريب يطب ضوه الهن

فطور جدامهن دم ترسن الكاع

وضعف ما بلجدم صار بكلبهن

ثكيله جفوفهن موثكل الفلوس

الدمع بجفاك ثكل يمه جفهن

قبل مو بشر جان يرحمن الطير

يرب طاحن اشو محد رحمهن

وبغض البصر مو ربي امريت

وللمحصنات هاذ الامر خصهن

بناتي محصنات بشرف وبطيب

ونكسه عيون كامت تنضرلهن