علي العذراي

انه جروحي جثث وبكلبي مدفونات –

يمر اسمك قيامه وكلهن يفزن-

اعله وجهي الناس ظنو شايل اطويريج-

من كثر الدموع العالوجه ركضن-

اجفوفي تراجفن حدما جلدهن طاح-

احس انفاسي مريم بالجذع هزن-

صفه ومروه اعله ظهري وحجن اسجاجين –

من متن المتن خليتهن يسعن-

ثوب جفوني بعدك شككاه الشوف –

من عني رحت ليهسه ماطبكن –

جنت احسب انفاسك من عليه اتفوت –

وسمعهن لمن بظلوعك يطكن-

الك وديت حته وشالت اخر صوت-

وشرب صفنتي وعالصفنه خاف ادمن-

مايقرن اوجوه اعيوني اميات-

عله وجهك وحي شو بس الك يقرن-

غار بشفتي وباني الحمام ابيوت-

ماأحجي ويغيرك خاف ينهدمن-

صرتلك بس تعالو وتمشي فوك الكاع –

وتغطيت وبعدني جروحي مايدفن-

من كدما اجيت بكلبي شايل شوك –

رجليني شبر جوه الأرض نزلن-

لبست الملامح اهلآ الملكاك –

كشخن بالهله المامره بي كشخن-

مايسوه الدفو الظميته بالكلمات –

بنات الليل لو سمعني جاعركن/

علامك يالبوجهك علي غربان

جفيت شموس وجهي وياك غربان

الليالي تمرعليه بجوع غربان 

وانه جثه ونهش للصبح بيه