احمد ابو عراق
الشلته سنين ذبني بزدحامات
اغفة ع الرصيف شلون كلفه
ابيعن علج بس دمعي الاستفتاح
خفت يخلص وابيع النوب عفه
انه وي شدة كماطك شاده الطيب
عجب يوليدي شو عيناك صلفه
على العاكر اتباهه من يذكروك
كرة عيني اكولن عندي خلفه
لبستك حرير بعازة التسعين !!!!
تلبسني حصار شلون …وسفه
خشنة جفوفي صارت كد مجديت
وانه الحتى بمشيتي الخطوة ترفه
حليب الطاهرة ما غزر وياك ؟؟؟؟؟
عجب سبني لسانك ما يعرفه
صوتي ما يغزر…. لا دللول ….؟؟
بس هسه لساني اندار عزفه
علج مني اشتري محتاجه مصروف
اجذب كمت يمه وهاي كلفه
ومايمشي العلج بس تمشي دنياي
وانه عندي الامل حية التلفه
باوع وجهي يبني شحامل تراب
ابن امي صفه بحالي تشفه
اذب من ماي كصتي وتنذل الروح
ولا مرني الشريف يمدلي جفه
وانه بطارف عباتي وامسح الجام
وانه المحد ذيالي يشوف طرفه
بعت ترجيتي خاطر بيهه احنيك ومن بتوتي الك سويت زفه
من امد جفوفي اذكر الكاروك
احس تاه العمر هزة وي رجفة
ترست جيوبي منهم ….. الله ينطيج !!!!
جمرة الذلة بس جدمي تحفه
