ميثم فالح
غلطه حبك … تسوه كل صح بالوجود
و بيه من عندك وجع … جن عافيه
الصدك ما ارتاحلك … بس روحي بيك
و ما احبك … بس احب مو كافيه
انت مو فد شي … كلب بين الضلوع
و مو ضوه عيوني … و بدونك طافيه
ادري شحجيلك و تزعل … حتى اموت
نار احس بحضنتك … بس دافيه
ما اريدك كوه … من دونك اضيع
و ما احتاجلك … بس اريدن صورتك
انت بالنسبه الي تدري شتكون
مثل هيج بداخلي مالك شريك
انت بس غمض عيونك انه اكون
و بس تفتحهن ضوه العينك اجيك
انت بعيوني ثمر صعب المنال
و عيني خيط من الشمس و التف عليك
لا اضوجك اول ابياتي شحجيت
شاعر مسودن شعر ظل يحجي بيك..
