زهير هداد
گبل ما ينگرط هيلك
چثيره اچفوف توميلك
كبل ما ينگرط هيلك
چثيره اشفاف غنتلك ..
لحن فرحه بوجه ليلك
وبعد ماتاهت اسنينك بشاطي الاه
وبعد ما غرّب اسهيلك
غدت ضحكات شماتك سهم مسموم
دارت بالسلف وتصيح يا ويلك
چنت تشري الفرح لشفاف المعيدين
هسا الدنيا بس اهات تشريلك
يمن ناغت ضحكتك فرحة الصحبان
وكت همك اشو محد يناغيلك
بالك من حيايه بخيمة الشمات
تدعي عليك يل ظنتك تدعيلك
كلها نياب صفره وتشتفي ابّلواك
وكلها تريد تسمع منك ….ادخيلك
ونه ادريبك جلد يلكابرت بسكوت
كابر عل مكابر ربك يعينك
طلگ كل سفينه اتخاوت ويا السيل
وبالك تركب الهم لو وگف سيلك
طشّرها اعله صبرك فرحة الشمات
واشچي اللي اجت من ظيم تشچيلك
وارگص بالمزامط لو رگص مذبوح
وبذكرى السنين المضت شد حيلك
واحلم بالصبح لزم الليالي تشيل
وگوه بضي نجم خليها تضويلك
ترى اجفوف المذله تدوّر الخسران
وبس دمعة ندم…بالتالي تهديلك
