ناظم الحاشي
بيتي وبيت إبوي شلون مني تريد
أعوفلّك البيت وتكعد إبّيتي
جنسيتي العراق اوماعفت فد يوم
بجيوب الاجانب شرف جنسيتي
يمر بيه الهوى اولوما كرامه وياه
مادك باب خشمي اولاوصل ريتي
ماماسح ظهر وأمسح ظهر فد يوم
ولاصرخت على الظلام ناعيتي
جرحي بكبر كاعي اوما شلت عكّاز
ولاشديت راسي بغير چفّيتي
كبل اچفوف اديه إتلكت الخطار
هيچ اتعلمت عالضيف صينيتي
إذا مرني الزعل وانكت عباتي بغيظ
وعلي تنكت زلم عالزلم خاچيتي
انه الشلت العلم للعرب بالتحرير
وساريته العلم لليوم ساريتي
