عادل محسن
مانحتاج حكمة ونصح من الغير
واحنه اللي تغرك البحر حكمتنه
قلبنه الموازين بسندة الشجعان
على ازغيرة وجبيرة احنه تساندنه
والجندي والشرطي نآزره باخلاص
واحنه المانخون بعهد صاحبنه
وكلنه اخوان احنه بلا فرق والله
لتعنصرنه مرة ولا تمذهبنه
وتره العنصر المذهب والحجي التعبان
اجنده خارجية وضدهه حاربنه
ومن كل الوطن ضد الارهابيين
وكفنه سوه وبدمائنه اتخضبنه
عراقيين احنه وعدنه عزه وجاه
واموال ورجال الله واهبنه
