ايهاب المالكي
بـ قارئة فنجان قررت استعين
ومو مثل عبد الحليم البيه !!
كالت انوي بكلبك وفعلا نويت
انتخب من حتى اصفي النيه ؟
شافت الفنجان !!!؟كالت لا…عجيب؟
خيرتك طلعت صور ممليه ؟
منو ذوله؟ وكل صورهم هايه ليش ؟
بالجوازات انته؟ بالجنسيه ؟
بكلبي كتلهه شسولفلج احير ؟
غير ذوله الرشحو حجيه !
المهم هزت .بعد …فنجاني حيل ..
كلبته …ابتسمت …تعاين بيه
كالت اسمع : ذوله شرايه علصوت
وانته ماشوفك كلت مكضيه !!
هذا واحد !! عنده صوتك غالي حيل
مستعد ياخذ النبره بميه
وهذا واحد عنده صوتك جنه حار!!!
ياخذه وينطيك بطانيـــه
وهذا واحد حاير يدورله ناس
وبيتهم ماعنده بي شعبيه
انطي صوتك للتحس بكلبه كاع
اتزرع صوت يخضر انسانيه
وكون اذا ينسه العهد يرجع عليه
الجندي مايطلع بلا بيريه
وكون عنده طلابه ويه السندباد!!
وكون كلش تالفه الوضعيه
لان ربع السندباد محزمين
وين تلكاهم ؟سفر يوميه
وكون طيب مامخلصه الطيبه بي
مو مهم مخلص اعداديه
وكون يملك مستحه ونكطة جبين
موشرط يملك عصا السحريه
