جبار رشيد 

دخيلك لاتصدلي بعينك التذبح انه مجرح كبل وارحم بلمجرح

هدني بداعة الله ارحمني اترجاك اي موضوع عن العشك لاتفتح

ولك تعبني ذكرك غادر التفكير شعندك بلعقل بس تسرح وتمرح

شلك بمتحان وساعه ماقاريك حتى من ارد اغشن بيك ما انجح

يسمر مالي حيلك وانته حسنك جيش وانته بطرك روحي شفتني وجايني مسلح

بارود العمر شفتك دخلت انذار خايف من شرار عيونك التذبح

متأخره الجفوف اليل غطه البوب لدك باب كلبي الوكت مايسمح

منو الدلاك جرفي الغافي من سنين وياهو العلماك الطيش بيه تسبح

مفاتيحي بأديك شجابهن …يفلان……. ..وصفت روحي بمزاجك تقفل وتفتح 

خايف .. من صدك عاشكني حد الموت وخايف ماتظل وياي ماتنصح

طولك عيد جاي يريدني يلاكيك ركض وجهي وتذكر مو وجه يفرح 

غنه حجيك يعمي ايريد كعدت ليل ومسايه غروب روحي غناك مايصلح

من كتلي احبك تعرف سويت لو اشرح الحاله سنين اظل اشرح

تحبني شعلمك ماخفت مرتديت مافكرت مره شوف حل اصلح 

تاه من شوكت جفنك بدرب الليل ومن يمته عليك الصبح ماصبح

دمعتين مسحت وسبني طول اليوم ومن عيني عليك دمايه كمت امسح